मुख्य सामग्री पर जाएँ
ॐ दिव्य ग्रंथ

वाल्मीकि रामायण बालकाण्ड सर्ग 27

वाल्मीकि रामायण बालकाण्ड सर्ग 27 का उपलब्ध मूल पाठ दिव्य ग्रंथ पर पढ़ें। संस्करण और भाषा संबंधित पुस्तक के स्रोत नोट के अनुसार हैं।

वाल्मीकि रामायण के पुस्तक आवरण का चित्र
दिव्य ग्रंथ · मूल पाठ संग्रह

श्लोक 1

अथ ताम् रजनीम् उष्य विश्वामिरो महायशाः ।प्रहस्य राघवम् वाक्यम् उवाच मधुर स्वरम् ॥१-२७-१॥

श्लोक 2

परितुष्टो अस्मि भद्रम् ते राजपुत्र महायशः ।प्रीत्या परमया युक्तो ददामि अस्त्राणि सर्वशः ॥१-२७-२॥

श्लोक 3

देव असुर गणान् वा अपि स गन्धर्व उरगान् भुवि ।यैः अमित्रान् प्रसह्य आजौ वशीकृत्य जयिष्यसि ॥१-२७-३॥

श्लोक 4

तानि दिव्यानि भद्रम् ते ददामि अस्त्राणि सर्वशः ।दण्ड चक्रम् महत् दिव्यम् तव दास्यामि राघव ॥१-२७-४॥

श्लोक 5

धर्म चक्रम् ततो वीर काल चक्रम् तथैव च ।विष्णु चक्रम् तथा अति उग्रम् ऐन्द्रम् चक्रम् तथैव च ॥१-२७-५॥

श्लोक 6

वज्रम् अस्त्रम् नरश्रेष्ठ शैवम् शूलवरम् तथा ।अस्त्रम् ब्रह्मशिरः च एव ऐषीकम् अपि राघव ॥१-२७-६॥

श्लोक 7

ददामि ते महाबाहो ब्राह्मम् अस्त्रम् अनुत्तमम् ।गदे द्वे चैव काकुत्स्थ मोदकी शिखरी शुभे ॥१-२७-७॥

श्लोक 8

प्रदीप्ते नरशार्दूल प्रयच्छामि नृपाअत्मज ।धर्म पाशम् अहम् राम काल पाशम् तथैव च ॥१-२७-८॥

श्लोक 9

वारुणम् पाशम् अस्त्रम् च ददामि अहम् अनुत्तमम् ।अशनी द्वे प्रयच्छामि शुष्क आर्द्रे रघुनन्दन ॥१-२७-९॥

श्लोक 10

ददामि च अस्त्रम् पैनाकम् अस्त्रम् नारायणम् तथा ।आग्नेयम् अस्त्रम् दयितम् शिखरम् नाम नामतः ॥१-२७-१०॥

श्लोक 11

वायव्यम् प्रथमम् नाम ददामि तव च अनघ ।अस्त्रम् हयशिरः नाम क्रौञ्चम् अस्त्रम् तथैव च ॥१-२७-११॥

श्लोक 12

शक्ति द्वयम् च काकुत्स्थ ददामि तव राघव ।कंकालम् मुसलम् घोरम् कापालम् अथ किन्किणीम् ॥१-२७-१२॥

श्लोक 13

वधार्थम् राक्षसाम् यानि ददामि एतानि सर्वशः ।वैद्याधरम् महा अस्त्रम् च नन्दनम् नाम नामतः ॥१-२७-१३॥

श्लोक 14

असि रत्नम् महाबाहो ददामि नृवरात्मज ।गान्धर्वम् अस्त्रम् दयितम् मोहनम् नाम नामतः ॥१-२७-१४॥

श्लोक 15

प्रस्वापनम् प्रशमनम् दद्मि सौम्यम् च राघव ।वर्षणम् शोषणम् चैव संतापन विलापने ॥१-२७-१५॥

श्लोक 16

मादनम् चैव दुर्धर्षम् कन्दर्प दयितम् तथा ।गान्धर्वम् अस्त्रम् दयितम् मानवम् नाम नामतः ॥१-२७-१६॥

श्लोक 17

पैशाचम् अस्त्रम् दयितम् मोहनम् नाम नामतः ।प्रतीच्छ नरशार्दूल राजपुत्र महायशः ॥१-२७-१७॥

श्लोक 18

तामसम् नरशार्दूल सौमनम् च महाबलम् ।संवर्तम् चैव दुर्धर्षम् मौसलम् च नृपात्मज ॥१-२७-१८॥

श्लोक 19

सत्यम् अस्त्रम् महाबाहो तथा मायामयम् परम् ।सौरम् तेजःप्रभम् नाम पर तेजो अपकर्षणम् ॥१-२७-१९॥

श्लोक 20

सोम अस्त्रम् शिशिरम् नाम त्वाष्ट्रम् अस्त्रम् सुदारुरणम् ।दारुणम् च भगस्य अपि शितेषुम् अथ मानवम् ॥१-२७-२०॥

श्लोक 21

एतान् राम महाबाहो काम रूपान् महाबलान् ।गृहाण परमोदारान् क्षिप्रम् एव नृपात्मज ॥१-२७-२१॥

श्लोक 22

स्थितः तु प्राङ्मुखो भूत्वा शुचिर् मुनिवरः तदा ।ददौ रामाय सुप्रीतो मंत्र ग्रामम् अनुत्तमम् ॥१-२७-२२॥

श्लोक 23

सर्व संग्रहणम् एषाम् दैवतैः अपि दुर्लभम् ।तानि अस्त्राणि तदा विप्रो राघवाय न्यवेदत् ॥१-२७-२३॥

श्लोक 24

जपतः तु मुनेः तस्य विश्वामित्रस्य धीमतः ।उपतस्थुः महा अर्हाणि सर्वाणि अस्त्राणि राघवम् ॥१-२७-२४॥

श्लोक 25

ऊचुः च मुदिता रामम् सर्वे प्रांजलयः तदा ।इमे च परमोदार किंकराः तव राघव ॥१-२७-२५॥

श्लोक 26

यद् यद् इच्छसि भद्रन् ते तत् सर्वम् करवाम वै ।ततो राम प्रसन्न आत्मा तैः इति उक्तो महाबलैः ॥१-२७-२६॥

श्लोक 27

प्रतिगृह्य च काकुत्स्थः समालभ्य च पाणिना ।मनसा मे भविष्यध्वम् इति तानि अभ्यचोदयत् ॥१-२७-२७॥

श्लोक 28

ततः प्रीत मना रामो विश्वामित्रम् महामुनिम् ।अभिवाद्य महातेजा गमनाय उपचक्रमे ॥१-२७-२८॥

मूल पुस्तक के इंटरैक्टिव पाठक में पढ़ें · सभी मूल पाठ