वाल्मीकि रामायण बालकाण्ड सर्ग 68
वाल्मीकि रामायण बालकाण्ड सर्ग 68 का उपलब्ध मूल पाठ दिव्य ग्रंथ पर पढ़ें। संस्करण और भाषा संबंधित पुस्तक के स्रोत नोट के अनुसार हैं।

श्लोक 1
जनकेन समादिष्टा दूताः ते क्लान्त वाहनाः ।त्रि रात्रम् उषिता मार्गे ते अयोध्याम् प्राविशन् पुरीम् ॥१-६८-१॥
श्लोक 2
ते राज वचनात् गत्वा राजवेश्म प्रवेशिताः ।ददृशुः देव संकाशम् वृद्धम् दशरथम् नृपम् ॥१-६८-२॥
श्लोक 3
बद्ध अंजलि पुटाः सर्वे दूता विगत साध्वसाः ।राजानम् प्रश्रितम् वाक्यम् अब्रुवन् मधुर अक्षरम् ॥१-६८-३॥
श्लोक 4
मैथिलो जनको राजा स अग्नि होत्र पुरस्कृतः ।मुहुर् मुहुर् मधुरया स्नेह संरक्तया गिरा ॥१-६८-४॥
श्लोक 5
कुशलम् च अव्ययम् चैव स उपाध्याय पुरोहितम् ।जनकः त्वाम् महाराज पृच्छते स पुरः सरम् ॥१-६८-५॥
श्लोक 6
पृष्ट्वा कुशलम् अव्यग्रम् वैदेहो मिथिलाधिपः ।कौशिक अनुमते वाक्यम् भवन्तम् इदम् अब्रवीत् ॥१-६८-६॥
श्लोक 7
पूर्वम् प्रतिज्ञा विदिता वीर्य शुल्का मम आत्मजा ।राजानः च कृत अमर्षा निर्वीर्या विमुखी कृताः ॥१-६८-७॥
श्लोक 8
सा इयम् मम सुता राजन् विश्वामित्र पुरस्कृतैः ।यदृच्छया आगतैः वीरैः निर्जिता तव पुत्रकैः ॥१-६८-८॥
श्लोक 9
तत् च रत्नम् धनुर् दिव्यम् मध्ये भग्नम् महात्मना ।रामेण हि महाबाहो महत्याम् जन संसदि ॥१-६८-९॥
श्लोक 10
अस्मै देया मया सीता वीर्य शुल्का महात्मने ।प्रतिज्ञाम् तर्तुम् इच्छामि तत् अनुज्ञातुम् अर्हसि ॥१-६८-१०॥
श्लोक 11
स उपाध्यायो महाराज पुरोहित पुरस्कृतः ।शीघ्रम् आगच्छ भद्रम् ते द्रष्टुम् अर्हसि राघवौ ॥१-६८-११॥
श्लोक 12
प्रतिज्ञाम् मम राजेन्द्र निर्वर्तयितुम् अर्हसि ।पुत्रयोः उभयोः एव प्रीतिम् त्वम् अपि लप्स्यसे ॥१-६८-१२॥
श्लोक 13
एवम् विदेह अधिपतिः मधुरम् वाक्यम् अब्रवीत् ।विश्वामित्र अभ्यनुज्ञातः शताअनन्द मते स्थितः ॥१-६८-१३॥
श्लोक 14
दूत वाक्यम् तु तत् श्रुत्वा राजा परम हर्षितः ।वसिष्ठम् वामदेवम् च मंत्रिणः च एवम् अब्रवीत् ॥१-६८-१४॥
श्लोक 15
गुप्तः कुशिक पुत्रेण कौसल्य आनन्द वर्धनः ।लक्ष्मणेन सह भ्रात्रा विदेहेषु वसति असौ ॥१-६८-१५॥
श्लोक 16
दृष्ट वीर्यः तु काकुत्स्थो जनकेन महात्मना ।संप्रदानम् सुतायाः तु राघवे कर्तुम् इच्छति ॥१-६८-१६॥
श्लोक 17
यदि वो रोचते वृत्तम् जनकस्य महात्मनः ।पुरीम् गच्छामहे शीघ्रम् मा भूत् कालस्य पर्ययः ॥१-६८-१७॥
श्लोक 18
मंत्रिणो बाढम् इति आहुः सह सर्वैः महर्षिभिः ।सु प्रीतः च अब्रवीत् राजा श्वः यात्रा इति च मंत्रिणः ॥१-६८-१८॥
श्लोक 19
मंत्रिणः तु नरेन्द्रस्य रात्रिम् परम सत्कृताः ।ऊषुः प्रमुदिताः सर्वे गुणैः सर्वैः समन्विताः ॥१-६८-१९॥