मुख्य सामग्री पर जाएँ
ॐ दिव्य ग्रंथ

वाल्मीकि रामायण बालकाण्ड सर्ग 71

वाल्मीकि रामायण बालकाण्ड सर्ग 71 का उपलब्ध मूल पाठ दिव्य ग्रंथ पर पढ़ें। संस्करण और भाषा संबंधित पुस्तक के स्रोत नोट के अनुसार हैं।

वाल्मीकि रामायण के पुस्तक आवरण का चित्र
दिव्य ग्रंथ · मूल पाठ संग्रह

श्लोक 1

एवम् ब्रुवाणम् जनकः प्रत्युवाच कृतांजलिः ।श्रोतुम् अर्हसि भद्रम् ते कुलम् नः परिकीर्तितम् ॥१-७१-१॥

श्लोक 2

प्रदाने हि मुनि श्रेष्ठ कुलम् निरवशेषतः ।वक्तव्यम् कुल जातेन तन् निबोध महामुने ॥१-७१-२॥

श्लोक 3

राजा अभूत् त्रिषु लोकेषु विश्रुतः स्वेन कर्मणा ।निमिः परम धर्मात्मा सर्व सत्त्ववताम् वरः ॥१-७१-३॥

श्लोक 4

तस्य पुत्रो मिथिः नाम जनको मिथि पुत्रकः ।प्रथमो जनको नाम जनकात् अपि उदावसुः ॥१-७१-४॥

श्लोक 5

उदावसोः तु धर्मात्मा जातो वै नन्दिवर्धनः ।नन्दिवर्धन पुत्रः तु सुकेतुः नाम नामतः ॥१-७१-५॥

श्लोक 6

सुकेतोः अपि धर्मात्मा देवरातो महाबलः ।देवरातस्य राजर्षेः बृहद्रथ इति स्मृउतः ॥१-७१-६॥

श्लोक 7

बृहद्रथस्य शूरो अभूत् महावीरः प्रतापवान् ।महावीरस्य धृतिमान् सुधृतिः सत्य विक्रमः ॥१-७१-७॥

श्लोक 8

सुधृतेः अपि धर्मात्मा धृष्टकेतुः सु धार्मिकः ।धृष्टकेतोः च राजर्षेः हर्यश्व इति विश्रुतः ॥१-७१-८॥

श्लोक 9

हर्यश्वस्य मरुः पुत्रो मरोः पुत्रः प्रतीन्धकः ।प्रतीन्धकस्य धर्मात्मा राजा कीर्तिरथः सुतः ॥१-७१-९॥

श्लोक 10

पुत्रः कीर्तिरथस्य अपि देवमीढ इति स्मृतः ।देवमीढस्य विबुधो विबुधस्य महीध्रकः ॥१-७१-१०॥

श्लोक 11

महीध्रक सुतो राजा कीर्तिरातो महाबलः ।कीर्ति रातस्य राजऋषेः महारोमा व्यजायत ॥१-७१-११॥

श्लोक 12

महारोम्णः तु धर्मात्मा स्वर्णरोमा व्यजायत ।स्वर्णरोम्णः तु राजर्षेः ह्रस्वरोमा व्यजायत ॥१-७१-१२॥

श्लोक 13

तस्य पुत्र द्वयम् जज्ञे धर्मज्ञस्य महात्मनः ।ज्येष्ठो अहम् अनुजो भ्राता मम वीरः कुशध्वज ॥१-७१-१३॥

श्लोक 14

माम् तु ज्येष्ठम् पिता राज्ये सो अभिषिच्य नराधिप ।कुशध्वजम् समावेश्य भारम् मयि वनम् गतः ॥१-७१-१४॥

श्लोक 15

वृद्धे पितरि स्वर् याते धर्मेण धुरम् आवहम् ।भ्रातरम् देव संकाशम् स्नेहात् पश्यन् कुशध्वजम् ॥१-७१-१५॥

श्लोक 16

कस्यचित् तु अथ कालस्य सांकाश्यात् अगमत् पुरात् ।सुधन्वा वीर्यवान् राजा मिथिलाम् अवरोधकः ॥१-७१-१६॥

श्लोक 17

स च मे प्रेषयामास शैवम् धनुः अनुत्तमम् ।सीता कन्या च पद्माक्षी मह्यम् वै दीयताम् इति ॥१-७१-१७॥

श्लोक 18

तस्य अप्रदानात् ब्रह्मर्षे युद्धम् आसीत् मया सह ।स हतो अभिमुखो राजा सुधन्वा तु मया रणे ॥१-७१-१८॥

श्लोक 19

निहत्य तम् मुनिश्रेष्ठ सुधन्वानम् नराधिपम् ।सांकाश्ये भ्रातरम् शूरम् अभ्यषिंचम् कुशध्वजम् ॥१-७१-१९॥

श्लोक 20

कनीयान् एष मे भ्राता अहम् ज्येष्ठो महामुने ।ददामि परम प्रीतो वध्वौ ते मुनिपुंगव ॥१-७१-२०॥

श्लोक 21

सीताम् रामाय भद्रम् ते ऊर्मिलाम् लक्ष्मणाय वै ।वीर्य शुल्काम् मम सुताम् सीताम् सुर सुत उपमाम् ॥१-७१-२१॥

श्लोक 22

द्वितीयाम् ऊर्मिलाम् चैव त्रिः वदामि न संशयः ।ददामि परम प्रीतो वध्वौ ते मुनिपुंगव ॥१-७१-२२॥

श्लोक 23

राम लक्ष्मणयो राजन् गो दानम् कारयस्व ह ।पितृ कार्यम् च भद्रम् ते ततो वैवाहिकम् कुरु ॥१-७१-२३॥

श्लोक 24

मघा हि अद्य महाबाहो तृतीये दिवसे प्रभो ।फल्गुन्याम् उत्तरे राजन् तस्मिन् वैवाहिकम् कुरु ।राम लक्ष्मणयोः अर्थे दानम् कार्यम् सुखोदयम् ॥१-७१-२४॥

मूल पुस्तक के इंटरैक्टिव पाठक में पढ़ें · सभी मूल पाठ